البلاك فرايداي Black Friday بقى من أكتر الأوقات اللي بنستناها كل سنة. عروض، خصومات، وأسعار بتخليك تحس إنك لازم تشتري دلوقتي قبل ما كل العروض دي تروح عليك. بس الحقيقة؟ اليوم ده ممكن يكون أكتر يوم بيسبب ليك ضغط مالي. لإن ناس كتير بتتحمس وتشتري حاجات ممكن يكونوا مش محتاجينها، وبالتالي بيلاقوا نفسهم بيدفعوا أكتر من اللي كانوا مخططينه.
وبما إن اليوم ده بيجي مرة في السنة، وكل براند بتحاول تلفت انتباهك بعروض وخصومات كبيرة. الحماس بيخليك تحس إنك هتضيع فرصة لو ما اشتريتش. لكن في نفس الوقت، المصاريف الكتير في وقت قصير ممكن تخلّي الشهر كله صعب مالياً، خصوصاً لو ماكنتش جاهز واعتمدت على بطاقات الائتمان Credit Cards أو دخلت في أقساط بفوائد.
عشان كده، الناس في البلاك فرايداي بيتقسموا لنوعين: ناس بتستنى البلاك فرايداي عشان تبدأ تصرف وتشتري بالقسط، وتلاقيهم بعدها عندهم ديون وأقساط بفوائد لشهور ويمكن سنين. وناس أذكى، بيخططوا من بدري مع أبلكيشن ماني فيللوز، فبيجمعوا فلوسهم الأول من قبل العروض، ويدخلوا البلاك فرايداي وهم جاهزين يشتروا كاش، وياخدوا الخصومات كاملة ويدفعوا أقل. والأهم إنهم بيطلعوا من الموسم ده من غير ما يدخّلوا نفسهم في دوامة الديون.
السر إنك تكون ذكي في التعامل مع العروض، تستمتع بالخصومات وتشتري اللي محتاجه من غير ما تضغط ميزانيتك. وده بالظبط اللي هنعرفك عليه النهارده، جاهز؟ يالا بينا
أخطاء شائعة في البلاك فرايداي Black Friday
1. الشراء العشوائي: تشتري أي حاجة لمجرد إنها عليها خصم.
2. نسيان الأولويات: تركّز على الكماليات وتنسى الأساسيات اللي كنت مخطط ليها من فترة.
3. تجاهل الميزانية: تنزل تشتري من غير ما تحدد مبلغ معين تصرفه.
4. الاعتماد على الديون: الشراء باستخدام الكريدت كارد Credit Cards أو القروض بيزوّد تكلفة اللي بتشتريه بسبب الفوائد.
ازاي تجهز للبلاك فرايداي Black Friday بذكاء؟
البلاك فرايداي فايدته مش بس في العروض، هو كمان بيفيدك بفكرة التحضير، عن طريق:
- اكتب لستة بالحاجات اللي فعلاً محتاجها.
- شوف الأسعار من دلوقتي وقارن بينها وبين أسعار البلاك فرايداي، عشان تعرف الخصم الحقيقي.
- استخدم طريقة دفع آمنة وموثوقة بدل اللجوء للديون والأقساط بفوائد.
وهنا ييجي دور أبلكيشن ماني فيللوز؛ لأنك بدل ما تدور على طرق دفع في آخر لحظة أو تضطر لصرف مُرتب الشهر، تقدر تجهز فلوسك من بدري.
بدل ما تستنى لآخر لحظة، اشترك في جمعية أغسطس مع ماني فيللوز، واقبض في أكتوبر أو نوفمبر مع خصومات لحد 3,000 جنيه + 500 جنيه هدية من أمازون! من هنا
