في وقت كل حاجة بقت غالية، والاحتياجات يتزيد يوم عن يوم، فكرة التوفير بقت صعبة على ناس كتير. بس الحقيقة إن التوفير مش لازم يكون عبئ، ممكن يكون منظم، سهل، وآمن كمان. وهنا بييجي دور ماني فيللوز اللي سهّلت فكرة التحويش وغيّرت مفهوم الجمعيات التقليدية، وخليتها جمعيات ديجيتال على موبايلك!

في المقال ده، هنشرحلك ليه جمعيات ماني فيللوز وسيلة ذكية للادخار، وازاي تبدأ جمعيتك معانا خطوة بخطوة.

ايه هي جمعيات ماني فيللوز؟

لو أول مرة تعرف ماني فيللوز، فهو أبلكيشن بيوفر لك حلول مالية مختلفة، أولها جمعيات ديجيتال على موبايلك آمنة وسهلة عشان تحوّش وتحقق أهدافك المالية. الأبلكيشن بيدخلك جمعية مع مجموعة أشخاص، بيوفر لك جمعيات بمدد وأقساط مختلفة، بتختار دور ومبلغ القبض اللي انت عايزهم، بتدفع القسط الشهري عن طريق الموبايل، وبتستلم القبض في الميعاد بدون تعقيدات.

لو عايز تعرف تفاصيل أكتر عن ماني فيللوز، اقرأ المقال ده: دليلك الكامل لتطبيق ماني فيللوز

وتقدر تنزل الأبلكيشن دلوقتي من هنا وتقبض في دور من الـ 3 أدوار الأولى بخصم 25% على أول قسطين ليك.

ليه ماني فيللوز وسيلة ذكية وسهلة للادخار؟

جمعيات ماني فيللوز بتتميز إنها بتجمع أهم 3 حاجات كلنا تقريباً بندوّر عليها عشان نحوّش أو نحقق أهدافنا:

• الثقة: أبلكيشن ماني فيللوز تحت إشراف المختبر التنظيمي التابع للبنك المركزي المصري والشراكة مع الشريك المصرفي لينا، بنك مصر. وبالتالي كل التعاملات عليه بتكون مضمونة وموثّقة.
• الخصوصية: خططك المالية، تفاصيل جمعيتك، وأهدافك بتفضل سرية تمامًا. محدش يقدر يشوف نشاطك في الجمعية غيرك.
• المرونة: بتقدر تختار ميعاد القبض اللي يناسبك، ومبلغ القبض اللي يناسب احتياجاتك، وتوفّر بالطريقة اللي تريحك وفي الوقت اللي تحبه.

عشان كده جمعيات ماني فيللوز مناسبة جدًا لكل الأهداف المالية اللي عايز توصلها، سواء كنت بتخطط تشتري حاجة غالية، تدفع مقدم عربية، تسافر، أو حتى تعمل مشروع صغير.

الفرق بين الجمعية التقليدية وماني فيللوز

ازاي تبدأ جمعية على أبلكيشن ماني فيللوز؟ 

بالخطوات: 

1. نزّل الأبلكيشن من الـ App Store أو الـ Play Store

2. افتح الأبلكيشن، سجّل بياناتك، اختار الطريقة اللي عايز تستلم قبضك بيها، وفعّل الأكونت.

3. اختار الجمعية المناسبة لهدفك. تقدر تختار مبلغ القبض، دور القبض سواء في الأول أو النص أو الآخر، ومدة الجمعية اللي انت عايزها.

4. ابدأ دفع الأقساط في الأوقات المحددة على الأبلكيشن، وهتوصلك إشعارات شهرية تفكّرك بالميعاد.

5. استنى إشعار من الأبلكيشن لما يجي دور قبضك، وهيتم إرسال مبلغ القبض على حسابك البنكي أو كارت ماني فيللوز.

الجمعيات مع ماني فيللوز بقت تجربة أسهل، أأمن، وأنسب لأسلوب حياتك. دلوقتي تقدر تحوّش لهدفك بشكل منظم ومن غير ديون أو صداع الجمعيات التقليدية. مهما كان هدفك: عربية، موبايل، شقة، أو مصاريف مدارس، جمعيات ماني فيللوز هي الوسيلة الذكية للتخطيط، الالتزام، وتحقيق هدفك المالي وانت متطمن.

ابدأ دلوقتي، نزّل الأبلكيشن، شوف الأدوار المتاحة، واختار الجمعية اللي تناسب ميزانيتك وأهدافك.