في وقت بقى فيه كل حاجة بتغلى وكل يوم بنسمع عن أسعار بتزيد، طبيعي تدوّر على حلول ذكية تخلّيك تشتري اللي محتاجه من غير ما تحمّل نفسك فوق طاقتها. أغلبنا بيواجه نفس الموقف: نفسنا نجيب حاجة مهمة أو غالية، بس مش عايزين نستنزف مدخراتنا، ولا ندخل في التزامات طويلة ومملة زي التقسيط والفوائد لبرامج التقسيط المختلفة أو الـ Credit Cards.
زمان، كان قدامنا اختيارين: يا إما تشتري كاش وتستنزف فلوسك، يا إما تدخل في التقسيط مع فوائد مختلفة. لكن دلوقتي، في حل جديد بدأ ينتشر بسرعة بين الناس في العالم كله، وهو: Save Now, Buy Later (SNBL) أو بمعنى تاني، وفر دلوقتي واشتري بعدين.
الحل ده مش بس بيساعدك تشتري وانت مرتاح، ده كمان بيخلّيك تتحكم في مصاريفك، وتبني عادة التوفير، وتشتري من غير لا فوائد ولا ديون ولا قلق. في المقال ده هنناقش الفرق بينه وبين الحلول القديمة، وازاي ماني فيللوز بتساعدك تبني عادة التوفير وتتبنى الحل ده في حياتك المالية.
وفر دلوقتي واشتري بعدين Save Now, Buy Later (SNBL)
ببساطة، وفّر دلوقتي واشتري بعدين (SNBL) يعني إنك تفضل توفر أو تحوّش فلوس لحد ما يبقى معاك المبلغ اللي يخليك تقدر تشتري الحاجة اللي نفسك فيها كاش. الفكرة مش جديدة علينا، احنا أصلاً متعودين نوفر عشان نشتري حاجة كبيرة من غير ما نستلف. بس اللي بيقدمه الحل ده هو إنه يشجعك تلتزم بهدف التوفير بتاعك، عشان تقدر تشتري اللي محتاجه أو نفسك فيه من غير ديون، وبشكل أسرع وأسهل، خصوصاً مع زيادة الأسعار اللي بنعيشها.
الفرق بين الـ SNBL والـ BNPL
| المقارنة | SNBL | BNPL |
|---|---|---|
| بتشتري امتى؟ | بتوفر الأول فلوسك وبعدين تشتري مرة واحدة | بتشتري دلوقتي وبتدفع بعدين على أقساط أو دُفعات |
| طريقة الدفع | دفعات أو أقساط شهرية بتكون ضمن دائرة التوفير وبدون فوائد | أقساط شهرية وغالباً بتكون فيها فوائد متفاوتة |
| الفوائد | مفيش فوائد | فيها فوائد |
| الديون | احتمالية دخولك دائرة الديون معدومة | بتكون من ضمن أسباب دخولك دائرة الديون |
الـ BNPL مريح في الأول، بس على المدى الطويل ممكن يخليك متلخبط مادياً ومديون. أما SNBL، فهو بيبني عادة التوفير، وبيخليك تشتري وانت واقف على أرض صلبة ومستقر مادياً.
نزّل أبلكيشن ماني فيللوز دلوقتي وابدأ في تطبيق مفهوم SNBL في حياتك.
