مين فينا مابيحلمش يسافر وعنده بلد واحدة على الأقل السفرية ليها تعتبر سفرية أحلامه؟ السفر بقى بالنسبة لجيلنا مش رفاهية، ده بقى من أهم الأهداف المالية اللي بنسعى نحققها.
فيه اللي نفسه يعمل رحلة سريعة على البحر يفصل بيها من ضغط الشغل، وفيه اللي بيدوّر على جولة لأوروبا يكتشف فيها بلاد وعادات جديدة، وفيه اللي عايز يسافر يكمل دراسة أو ياخد كورسات برّه علشان يطوّر نفسه.
السفر حلم مشترك بيننا كلنا، وكل واحد شايفه بطريقته. بس السؤال اللي بيفرق هو: ازاي تحقق حلمك وتموّل رحلتك من غير ما تضغط نفسك مادياً، وهل هتسافر بفلوسك؟ ولا بالديون اللي هتفضل تسدد فيها سنين بفوائد عالية؟
في المقال ده هنعرف ليه مهم تخطط صح، وازاي تقدر تحقق حلم السفر بفلوسك انت من غير ديون ولا فوائد، مع جمعيات السفر من ماني فيللوز.
ليه مهم تخطط صح للسفر؟
السفر مش مجرد تذكرة طيران وفندق. السفر وراه مصاريف كتير: فيزا، مواصلات، أكل، أنشطة، تسوّق. ومع التضخم وارتفاع الأسعار، كل تأجيل للسفر بيخلّي تكلفته تزيد.
كتير من الناس بيلجأوا لبطاقات الائتمان Credit Cards مثلاُ عشان يموّلوا رحلاتهم. وده بيبان حل سهل في الأول، لكن الحقيقة إن الفوائد والمصاريف المخفية بتحوّل الرحلة من متعة لالتزام مالي تقيل. وعلى المدى الطويل ده بيأثر على استقرارك المالي ويخلّي الحلم الجميل يتحوّل لعبء.
ودلوقتي تقدر تخطط لرحلتك الجاية بسهولة وتوفير مع عروض ماني فيللوز على الأدوار بدون رسوم إدارية. اشترك من هنا
التكلفة الحقيقية للسفر بالديون
كتير مننا بيلجأ لحلول زي بطاقات الائتمان عشان يسافر. في الأول بتحس إن الموضوع بسيط: تسافر دلوقتي وتتبسط، وتدفع الأقساط بعدين وخلاص. بس الحقيقة إن الفوائد والمصاريف المخفية بتخلي الرحلة أغلى بكتير من قيمتها.
فبدل ما الرحلة تكلفك 50 ألف جنيه، تلاقي نفسك دفعت 70 أو 80 ألف بعد الفوائد. ده غير ضغط الأقساط الشهرية اللي بيكون مُضاف ليها فوائد ومصاريف وبيفضل وراك حتى بعد ما ترجع من السفر. وبالتالي ده بيخلّي مميزات السفر اللي هو حلم عندك، أقل بكتير من سلبياته.
