ماني فيللوز، التطبيق رقم 1 للجمعيات الرقمية في مصر، أخد خطوة جديدة لدعم تجربة المستخدم بأحدث حلول الدفع، وضم Apple Pay كوسيلة جديدة من وسائل الدفع المتاحة على الأبلكيشن. بالشراكة مع Paymob، وبالتعاون مع بنك مصر - الشريك المصرفي الرسمي -، الخطوة دي بتقدم للمستخدمين تجربة دفع أسرع، أسهل، وأأمن من أي وقت فات!

وبيواصل ماني فيللوز قيادة التحول الرقمي في مصر بتوفير حلول مالية موثوقة وسلسة تضمن للمستخدمين أقصى درجات الأمان والراحة في إدارة مدفوعاتهم.

ايه الجديد من ماني فيللوز Money Fellows؟

ماني فيللوز مستمرة في تسهيل وتأمين التعاملات المالية لكل المستخدمين. من غير ما تشيل هم القلق على بياناتك البنكية أو تتعب في عمليات التحويلات التقليدية. مع خدمة Apple Pay، هتستمتع بمستوى عالي من الأمان والخصوصية، وفلوسك هتبقى في أمان تام!

دلوقتي تقدر تدفع أقساط جمعيتك بضغطة زُرار من موبايلك في 3 خطوات بس:

1- روح لقسم المدفوعات المستحقة في تطبيق ماني فيللوز.

2- اختار القسط اللي عايز تدفعه.

3- حدّد اختيار Apple Pay كوسيلة الدفع وأكد العملية باستخدام بصمة الوجه Face ID، أو بصمة الإصبع Touch ID، أو رمز الجهاز device Passcode.

كل ده بيتم بأقصى درجات الأمان بفضل كود الأمان الديناميكي اللي بيتغير مع كل عملية دفع!🔒

ليه Apple Pay؟

احنا دايماً حريصين نوفر كل طرق الدفع للمستخدمين، وبنكون سريعين في مواكبة كل جديد. دمج Apple Pay كان لازم يحصل، خصوصاً لأسباب الأمان والراحة.

تفعيل الخدمة سهل جداً، كل اللي عليك تعمله هو إنك تفتح تطبيق Wallet وتمشي مع الخطوات لإضافة بطاقتك الإئتمانية أو بطاقة الدفع المسبق، وده بيضمن ليك فيما بعد تجربة دفع سلسة من غير ما تحتاج تدخل بيانات البطاقة كل مرة.

وقال "أحمد وادي" المؤسس والرئيس التنفيذي لماني فيللوز: "الخطوة دي بتأكد التزامنا بتقديم حلول مالية مبتكرة لمستخدمينا. مع Apple Pay، مش بس بنسهل الدفع، لكن كمان بنوفر أعلى معايير الأمان والخصوصية، عشان كل مستخدم يدفع قسطه بثقة وراحة تامة."