كلنا عارفين الإحساس ده: أول الشهر بيبدأ بحماس وبتبقى قايل لنفسك: "المرة دي هظبط الدنيا، هحوش، وهبدأ أخد خطوات في حلم السفر أو الموبايل الجديد اللي محتاج أشتريه من فترة." بس المشكلة بتبدأ لما يا دوب بتقبض، وتلاقي الفلوس طارت في: مصاريف، التزامات، حاجات طلعت فجأة، وتكتشف إن مفيش أي فلوس حوشتها ودخلت في نفس الدوامة تاني.
ساعتها، تبدأ تدور على حلول، زي: التقسيط، الجمعية، أو محاولة التوفير لوحدك. ومع كل الأفكار دي وغيرها، بتظهر فكرة الجمعية اللي بتساعدك تاخد مبلغ كبير كاش مرة واحدة. بس الجمعية التقليدية مش دايماً مضمونة، خصوصاً لو فيها ناس ما تعرفهمش أو مش واثق فيهم.
وهنا بييجي السؤال: ينفع أثق في جمعية أونلاين؟ ولو هعمل كده، ايه أحسن أبلكيشن أختاره؟
جرب تنزل أبلكيشن ماني فيللوز من هنا، اعرف كل حاجة عنه، وابدأ أول جمعية ليك بثقة وأمان 100%.
5 أسباب تخليك تثق في ماني فيللوز وتبدأ جمعيتك حالاً
1- رقابة البنك المركزي
أول حاجة بتفكّر فيها لما تدخل جمعية هي: فلوسي هتبقى في أمان؟
والإجابة ببساطة: أيوه، وهنقولك ليه: أبلكيشن ماني فيللوز تحت إشراف المختبر التنظيمي لتطبيقات التكنولوجيا المالية التابع gلبنك المركزي المصري، وبشراكة مع بنك مصر. يعني كل جمعية بتدخلها ليها نظام قانوني واضح، وكل الأطراف متأمنة. لإن ماني فيللوز مش أبلكيشن وخلاص، ده نظام رسمي تم تأسيسه عشان يسهّل حياتك وكمان يحميك قانونياً بكل الطرق.
2- ثقة أكتر من ربع مليون مستخدم
ماني فيللوز مش أبلكيشن لسه بيبدأ، ده منصة استخدمها ووثق فيها أكتر من 250,000 شخص لحد دلوقتي، وناس كتير دخلت جمعياتها وقبضت واستفادت، من غير فوائد أو مصاريف مستخبية بتتفاجأ بيها.
كمان كل شخص بيدخل الجمعية بيكون اتطبق عليه كل الإجراءات والاستعلامات؛ عشان نضمنلك خدمة موثوقة لكل شخص حقوقه ووجباته فيها. وفي حالة خروج أي شخص فجأة من الجمعية، ماني فيللوز بتتكفل انها تقبّض الناس كلها في مواعيدها وبالمبلغ كامل بدون أي نقص.
3- الفلوس بتوصل لحسابك كاش وفي ميعادها
مع ماني فيللوز مش بس بتدفع وانت مطمّن، لأ كمان بتقبض وانت مطمّن. أول ما دور القبض بتاعك ييجي، الفلوس بتتحوّل لك فوراً على الحساب البنكي أو المحفظة الإلكترونية اللي انت مختارهم. وكل ده بتقدر تتابعه من على موبايلك، من غير ما تفضل تكلم حد أو تستنى "الأستاذ فلان" يرد عليك عشان يقبّضك.
4- الوضوح من أول خطوة
واحدة من أهم مميزات التطبيق هي الشفافية التامة، واللي نقدر نلخصها في:
- بتشوف كل التفاصيل قبل ما تدخل أي جمعية.
- قيمة القسط الشهري معروفة.
- بتختار الميعاد اللي يناسبك للقبض وبتقبض فيه.
- بتقدر تدخل أكتر من جمعية لو عندك أكتر من هدف.
- كل المصاريف بتكون واضحة من أول يوم. مفيش مفاجآت، أو فوائد، ولا شروط مستخبية.
5- سهولة استخدام الأبلكيشن
مش مهم مرتبك كام، ولا ظروفك عاملة ازاي، ماني فيللوز بيدي لك مرونة شبه كاملة، بداية من اختيار الجمعية المناسبة ليك (6 شهور، 10 شهور، 12 شهر)، تحديد المبلغ اللي عايز تقبضه، اختيار الدور اللي يناسبك حسب ضرورة هدفك أو الوقت اللي مرتب نفسك تشتري حاجة فيه. يعني بتتعامل مع أبلكيشن متفصّل على مقاسك بالظبط.
