مين فينا مش بيدوّر على طريقة ذكية وفي نفس الوقت فعّالة وسهلة يقدر يدير بيها فلوسه ويوصل بيها للحرية المالية؟ كلنا، صح؟!
وبعد بحث كتير، بدأنا تطبيق ماني فيللوز Money Fellows عشان يكون الحل المثالي ليك ولينا كلنا! من خلال الجمعيات المالية المرِنة اللي بيوفرها التطبيق، تقدر تدخل جمعية مع ناس تانية وتبدأ تدخر أو تحصل على مبلغ كبير يساعدك في تحقيق أهدافك.
في المقال ده، هنوفر لك دليل متكامل نشرح لك فيه كل اللي محتاج تعرفه عن ماني فيللوز، من توضيح كامل للتطبيق وطريقة التسجيل، لحد ازاي تشترك في الجمعيات وتستفيد من الخدمات اللي بيقدمها. جاهز؟ يلا نبدأ.
ايه هو تطبيق ماني فيللوز Money Fellows؟
هو أول وأكبر تطبيق جمعيات في مصر، وهو التطبيق الوحيد اللي تحت إشراف المختبر التنظيمي للتطبيقات التكنولوجية المالية التابع للبنك المركزي المصري والشركة نفسها مُسجلة في وزارة الاستثمار. ماني فيللوز بدأ في 2018 كمنصة رقمية بتقدّم جمعيات أونلاين سهلة ومضمونة 100%، بدون مشاكل الجمعيات التقليدية.
مميزات تطبيق ماني فيللوز Money Fellows
ماني فيللوز بيوفر لك مميزات مختلفة تشجعك على استخدامه؛ خلينا نتعرف سوا عليهم:
1- الأمان المالي وحماية المستخدمين
- حماية بيانات المستخدمين الشخصية والمالية، بمعنى إن كل بياناتك، من معلومات الحساب البنكي، البطاقة الشخصية، ولحد المعاملات المالية، محفوظة بشكل آمن ومفيش شخص غيرك يقدر يطّلع عليها.
- الترخيص والمراقبة من الهيئات المالية المختصة، واللي على رأسها البنك المركزي. وده بيضمن إن كل التعاملات اللي بتحصل من خلاله بتتم وفقًا لأعلى معايير الأمان والقوانين المالية المعتمدة.
- كل مستخدم بيوصله عقد قانوني بالمبلغ اللي هيدخل بيه الجمعية وبيوقّع عليه لضمان حقوقه وحقوق باقي المستخدمين.
- كل الخطوات بتتم بشفافية تامة، يعني المستخدم يقدر يشوف كل التفاصيل المرتبطة بالجمعية اللي هو فيها في أي وقت، وكمان بيتلقى تحديثات مستمرة عن أي تطورات.
2- المرونة:
- كل مستخدم يقدر يختار المبلغ المناسب ليه للاشتراك في الجمعية، سواء كان هدفه الادخار أو الحصول على مبلغ كبير في وقت معين؛ لتحقيق هدف محدد. وكمان يقدر يدخل أكتر من جمعية في نفس الوقت.
- كل مستخدم عنده الفرصة إنه يختار مواعيد القبض، سواء في بداية، منتصف، أو آخر الجمعية. وبالتالي بيكون عندهم حرية أكبر في إدارة فلوسهم واحتياجاتهم المادية.
- التنوّع في عدد الجمعيات، المبلغ اللي هتقبضه، والمدة الزمنية لكل جمعية. وده بيديلك الفرصة إنك تلاقي الجمعية المناسبة ليك.
3- سهولة الاستخدام
التطبيق مُصمم بشكل بسيط بيسمح لأي شخص، حتى اللي معندوش خبرة سابقة في استخدام التطبيقات المالية، إنه يتعامل معاه بسهولة. التسجيل والانضمام للجمعيات بيتم بخطوات واضحة وبسيطة.
4- التنوّع في طرق القبض والدفع
التطبيق بيدعم طرق مختلفة للدفع والقبض:
- طرق الدفع: تقدر تدفع قسط الجمعية عن طريق فوري، التحويل البنكي، كروت مسبقة الدفع Prepaid Cards، أو المحفظة الإلكترونية.
- طرق القبض: اقبض فلوس جمعياتك بالطريقة المناسبة ليك، سواء التحويل البنكي، الكروت المدفوعة مسبقاً Credit Cards، أو المحفظة الإلكترونية.
5- المتابعة المستمرة
التطبيق بيوفر للمستخدمين تنبيهات مستمرة عن مواعيد الدفع أو الاستلام. وده بيساعدهم إنهم يكونوا متابعين جمعياتهم لحظة بلحظة وفي نفس الوقت لضمان عدم التأخير في مواعيد القبض أو الدفع.
ازاي تسجّل في تطبيق ماني فيللوز Money Fellows؟
1- أول خطوة، هي تحميل التطبيق، وتقدر تحمله من خلال اللينك ده: https://mnyfellows.com/49oS7g5
2- ابدأ حساب جديد من خلال زُرار التسجيل اللي موجود على التطبيق.
3- دخّل البيانات المطلوبة منك، زي الاسم بالكامل، البريد الإلكتروني، رقم الموبايل، والبطاقة الشخصية.
4- هيتم إرسال كود التفعيل لرقم الموبايل اللي دخلته؛ لتأكيد حسابك.
5- دخّل التفاصيل المالية المطلوبة، زي رقم الحساب البنكي أو بيانات الدفع اللي هتدفع بيها الجمعيات.
6- هيوصلك عقد قانوني بالمبلغ اللي هتدخل بيه الجمعية وبتوقّع عليه لضمان حقوقك وحقوق باقي المستخدمين.
وبكده تكون سجلت بنجاح في ماني فيللوز، وتقدر تبدأ تشترك في الجمعيات المالية بكل سهولة.
ولو عايز تعرف أكتر، شوف الفيديو ده، قصير ومفيد وهيوضحلك الفكرة بسرعة
ازاي تنضم لجمعية من جمعيات ماني فيللوز Money Fellows؟
1- ادخل على التطبيق وشوف كل الجمعيات المتاحة في الوقت الحالي واعرف تفاصيلها، زي المبلغ الشهري اللي هتدفعه، عدد شهور الجمعية سواء 6 شهور، 10 شهور، أو 12 شهر، ومواعيد القبض المتاحة.
2- اختار الجمعية المناسبة ليك بعد استعراض كل التفاصيل الكاملة عنها، وكمان اعرف مواعيد الدفع الخاصة بالدور اللي اختارته.
3- دوس على "اشرتك في جمعية" ودخّل بيانات الدفع، زي الحساب البنكي، أو كارت الدفع المسبق.
4- من خلال التطبيق تقدر تتابع جمعيتك وتفاصيلها، زي تواريخ الدفع، دورك في الاستلام، وكمان التنبيهات اللي هتوصلك بمواعيد الدفع والقبض.
الجمعيات وبرنامج التحويش من ماني فيللوز Money Fellows
ماني فيللوز بتوفر لمستخدميها فرصة للادخار والتخطيط للمستقبل بشكل منظم وسهل. وسواء كنت بتدورعلى تحقيق هدف قصير المدى أو الاستثمار على المدى الطويل، تقدر تختار الجمعية الأنسب لاحتياجاتك المالية.
